STRATEGİYA

PEŞƏKAR ATLETLƏR

Milli yığma komandanın formalaşdırılması və idarə edilməsi (təlimlərin, təlim-məşq toplanışlarının təşkili, Dünya və Avropa çempionatları, o cümlədən Yeniyetmələrin Qış Olimpiya Oyunları, Qış Olimpiya və Paralimpiya Oyunları kimi yarışlarda iştirakı və s.);
Yeni idman növləri üzrə peşəkar idmançıların yetişdirilməsi üçün uzunmüddətli inkişaf planının hazırlanması və həyata keçirilməsi;
Xarici mütəxəssislər cəlb edilməklə yerli idmançıların və məşqçilərin kvalifikasiyalarının artırılması;
Qış idman növləri ilə məşğul olan mövcud milliləşən legionerlərə dəstəyin göstərilməsi (Yekaterina Ryabova, Vladimir Litvintsev və digərləri).

Azərbaycanda qış idmanı mədəniyyətinin yaradılmasına dəstək göstərmək üçün ölkədə mövcud xizək kurortlarının təşviqi;
Daha geniş auditoriya arasında qış idman növlərinə marağın artırılması məqsədilə müxtəlif yerli yarışların təşkili;
Əhalinin sosial və fiziki cəhətdən həssas qruplarının qış idman növlərinə cəlb edilməsinə və onlar üçün lazımi şəraitin yaradılmasına dəstəyin göstərilməsi.

Azərbaycanda mövcud olan xizək kurortlarının nəzdində xizək və digər qış idman məktəbi proqramlarının inkişafının təşviq edilməsi;
Əhalinin bütün təbəqələrindən olan insanların, xüsusilə də uşaq və gənclərin sözügedən məktəb proqramlarında iştiraka cəlb edilməsi;
Aztəminatlı ailələrlə yanaşı, Qarabağ müharibəsindən zərər çəkmiş ailələrdən olan uşaqların qış idman növləri üzrə təhsilinə dəstəyin göstərilməsi.